Aaj subah maa ne bataya,
Tum aayi thi kal raat.

Thakawt se neend kaafi gahri ho gayi,
Isi liye tumhari aahat sun na paya;
Ho sake to maanf karna.
Suna, kaafi der tak thi tum.

Aaj kal mehsoos hota hain tum mujhse kuch khafa si ho;
Ek aankh micholi si khel rahi ho.
Pichli baar jab uska haath thamkar apne chat pe khada tha,
Tab mili thi tum mujhe, aakhri baar.

Haan maanta hoon humne wada kiya tha,
Har saal isi tarah saath mein mulaqat hogi;
Par wadein to maano todne ke liye bante hain,
To yeah bhi toot gaya.

In saalo mein kaafi kuch kho chuka hoon,
Par tum to mere satva se mere saath ho.
Tumhare aane se maano sab aacha ho raha ho,
Tum meri shubh kamnao ka aadhar ho.

Tumhare sparsh ke abhao ko mehsoos karta hoon,
Chahta hoon, wapas usi pyaar se chuo tum mujhe.
Maanta hoon mera premi nahi raha,
Par pyaar to aaj bhi wahi hain.

Aao aur apne aagosh me leke bhigon do tan mere ko,
Meri aatma ko.
Aaj aise barso jaise yeah mera ant ho,
Aur, meri shuruwat.

– Ankur Mondal